रत्नागिरी:रत्नागिरी जिल्ह्यातून जवळपास 70 ते 80 हजार शिवसैनिक दसरा मेळाव्यासाठी शिवतीर्थावर जातील. आणि माझ्या मतदारसंघातून जवळपास 18 ते 20 हजार शिवसैनिक जाणार असल्याचे शिवसेना उपनेते आमदार राजन साळवी यांनी म्हटले आहे, ते आज रत्नागिरीत बोलत होते. तसेच आतापर्यंतचे दसरा मेळावे हे विक्रमी मेळावे झालेले आहेत. कोकण आणि शिवसेनेचं एक वेगळं नातं आहे. Shiv Sainiks from Ratnagiri district त्यामुळे यावर्षीचा शिवतीर्थावरील दसरा मेळावा Dussehra Gathering 2022 हा देखील विक्रमी दसरा मेळावा असेल, असे राजन साळवी MLA Rajan Salvi यांनी म्हटले आहे.
शिवसेनेचे बारा विभाग प्रमुख -मुंबई शहर परिसरात शिवसेनेचे बारा विभाग प्रमुख आहेत. या विभाग प्रमुखांना महापालिकेच्या 227 प्रभागांची जबाबदारी देण्यात आली आहे. एका प्रभागातून किमान चार बसेस भरून शिवसैनिकांनी शिवाजी पार्कवर येणे अपेक्षित आहे. म्हणजेच मुंबईतून शिवाजी पार्क सुमारे 900 बसेस येणार आहेत. यासाठी सातत्याने गटप्रमुख शाखाप्रमुख आणि विभाग प्रमुख यांच्या बैठका होत आहेत.