रत्नागिरी - रत्नागिरी-सिंधुदुर्ग लोकसभा मतदारसंघासाठीशिवसेना-भाजप महायुतीचे उमेदवार विनायक राऊत यांनी आज उमेदवारी अर्ज भरला.यावेळी महायुतीच्या नेत्यांसह १० हजारांहून अधिक पदाधिकारी, कार्यकर्ते उपस्थित होते. राऊत यांनी यावेळी जोरदार शक्तिप्रदर्शन केले.
शिवनेता नेते सुभाष देसाई, रायगडचे पालकमंत्री रविंद्र चव्हाण, रत्नागिरीचे पालकमंत्री रविंद्र वायकर, सिंधुदुर्ग जिल्हयाचे पालकमंत्री दिपक केसरकर, शिवसेना उपनेतेलक्ष्मणराव वडेले, शिवसेना आमदार उदय सामंत, भाजपआमदार प्रसाद लाड, माजी मंत्री रवींद्र माने, आरपीआय नेते के.डी.कदम, भाजपचे सिंधुदुर्ग जिल्ह्याचे जिल्हाध्यक्ष प्रमोद जठार, रत्नागिरी जिल्हाध्यक्ष बाळासाहेब माने, चिपळूणचे आमदार सदानंद चव्हाण, राजापूर विधानसभेचे आमदार राजन साळवी, कुडाळ विधानसभेचे आमदार वैभव नाईक यांच्याउपस्थितीत राऊत यांनी अर्ज भरला.
लोकसभा निवडणूकीत यावेळी सुद्धा आपलाच विजय होईल. पुन्हा एकदा पंतप्रधान नरेंद्र मोदी यांच्या नेतृत्वाखाली आपण चांगलेकाम करू, अशी प्रतिक्रिया विनायक राऊत यांनी अर्ज भरल्यानंतर दिली. दरम्यान, अर्ज भरण्यापूर्वी मराठा मैदान इथेशिवसेनेचा मेळावा झाला.या मेळाव्याला मोठी गर्दी झाली होती. या मेळाव्याला महायुतीच्या नेत्यांसह रत्नागिरी-सिंधुदुर्गमधील १० हजारांहून अधिक शिवसैनिक उपस्थित होते. यावेळी रत्नागिरी जिल्ह्यातील शिवसेना आणि भाजपमध्ये असलेला दुरावा दूर झाल्याचेचित्र पाहायला मिळाले.
