खेडमधील फुरूस येथे कार नदीत कोसळून एकाचा मृत्यू

खेड तालुक्यामधील फुरूस येथे कार नदीत कोसळून एका महिलेचा जागीच मृत्यू झाला असून अन्य तीन जण गंभीर जखमी झाले आहेत. जखमींना दोपालीतील रुग्णालयात उपचारार्थ हलविण्यात आले आहे.

रत्नागिरी- खेड तालुक्यामधील फुरूस येथे कार नदीत कोसळून एका महिलेचा जागीच मृत्यू झाला असून अन्य तीन जण गंभीर जखमी झाले आहेत.

खेडमधील फुरूस येथील एस. आय स्कूलसमोर चालकाचा ताबा सुटल्याने कार थेट नदीपात्रात कोसळली. त्यामुळे चालकाशेजारी बसलेल्या महिलेचा जागीच मृत्यू झाला आहे. शुक्रवार (दि. 4 जाने.) सकाळी दहाच्या सुमारास ही घटना घडली. मृत महिलेचे नाव खैरूनिसा परकार असून तिचा मृतदेह फुरूस प्राथमिक आरोग्य केंद्रात नेण्यात आला आहे. तर जखमी तीन जणांना पुढील उपचारासाठी दापोलीतील रुग्णालयात हलविण्यात आले आहे.

हेही वाचा - रत्नागिरी काँग्रेसमधील धुसफूस चव्हाट्यावर, जिल्ह्याध्यक्षांनी जाहीर केलेल्या नियुक्तीवर तालुकाध्यक्षांचा आक्षेप