रत्नागिरी - जिल्ह्यात शुक्रवारी सकाळपासून पावसाची संततधार सुरू आहे. मागील काही दिवसांपासून जिल्ह्यात पावसाने उघडीप दिलेली नाही. पावसाच्या या खेळामुळे शेतकरी मात्र, संकटात सापडला आहे.
रत्नागिरीत पावसाची संततधार
यावर्षी नोव्हेंबर महिना आला तरी पाऊस सुरूच आहे. शेतातील भातपीक पूर्ण तयार झाल्याने शेतकरी पीक कापणीच्या तयारीत आहे. अनेक ठिकाणी शेतात कापून ठेवलेले भातपीक शेतातच भिजले आहे. हे पीक पुन्हा शेतातच रुजण्याची भीती शेतकऱ्यांना वाटत आहे. हातातोंडाशी आलेला घास हीरावल्या जाण्याच्या भितीने शेतकरी चिंतेत आहे.