रत्नागिरी- येत्या आठवड्याभरात महाशिवआघाडीचे सरकार बनायला काहीच हरकत नाही. पण, हे सरकार बनत असताना शिवसेनेचाच मुख्यमंत्री बनणार, हे नक्की असल्याचे संकेत शिवसेनेचे ज्येष्ठ नेते आणि माजी मंत्री अनंत गीते यांनी दिले आहेत. ते आज रत्नागिरीत पत्रकार परिषदेत बोलत होते. यावेळी त्यांनी उपरोक्त प्रतिक्रिया दिली.
प्रतिक्रिया देताना शिवसेनेचे ज्येष्ठ नेते अनंत गीते
सरकार बनवण्याच्या दृष्टीने शिवसेना पक्ष प्रमुखांची यशस्वी पाऊले पडत आहेत. महाराष्ट्राच्या सत्तेवरच्या रागापोटी शिवसेनेला राज्यसभेत आणि लोकसभेत वेगळी वागणूक मिळत आहे. एनडीएच्या घटकपक्षाला विरोधी पक्षात बसवण्याची एवढी घाई भाजपने करायला नको होती, असेही मत अनंत गीते यांनी व्यक्त केले.