तळीयेतील पूरग्रस्तांना पंतप्रधान आवास योजनेतून मिळणार घरं- नारायण राणेंची मोठी घोषणा

रायगड येथील महाड तालुक्यात असणाऱ्या तळीये गावात दरड कोसळून आतापर्यंत 52 गावकऱ्यांचा जीव गेला आहे. याच पार्श्वभूमीवर केंद्रीय मंत्री नारायण राणे यांनी दुर्घटनाग्रस्तांना पंतप्रधान आवास योजनेतर्गंत सर्वांना घरे बांधून देण्यात येणार अशी घोषणा त्यांनी केली आहे.

रत्नागिरी -चिपळूणमध्ये झालेल्या अतिवृष्टीमुळे या भागात अतोनात नुकसान झाले आहे. अतिवृष्टीमुळे कोकणातील अनेक भागात दरड कोसळण्याच्या घटना घडल्या आहे. या पूरग्रस्त भागाची पाहणी करण्यासाठी केंद्रीय मंत्री नारायण राणे, विरोधी पक्षनेते देवेंद्र फडणवीस आणि विधान परिषद विरोधी पक्षनेते प्रवीण दरेकरयांनी कोकण मधली पूरग्रस्त भागांना भेट देऊन सर्व परिस्थितीची पाहणी केली आहे.

'तळीयेतील पूरग्रस्तांना पंतप्रधान आवास योजनेतून मिळणार घरं'

पश्‍चिम महाराष्ट्र आणि कोकणात पावसाने थैमान घातल्याने अनेकांचे जीव गेले. खासकरून रायगड येथील महाड तालुक्यात असणाऱ्या तळीये गावात दरड कोसळून आतापर्यंत 52 गावकऱ्यांचा जीव गेला आहे. याच पार्श्वभूमीवर केंद्रीय मंत्री नारायण राणे यांनी दुर्घटनाग्रस्तांना पंतप्रधान आवास योजनेतर्गंत सर्वांना घरे बांधून देण्यात येणार अशी घोषणा त्यांनी केली आहे.

मुख्यमंत्र्यांकडून चिपळूणमध्ये पूरग्रस्त भागाची पाहणी, पीडितांशी साधला संवाद

मुख्यमंत्री उद्धव ठाकरे आज चिपळूणचा दौरा करून त्या भागातील पूर परिस्थितीचा आढावा घेणार आहेत. चिपळूणमध्ये झालेल्या अतिवृष्टीमुळे या भागात अतोनात नुकसान झाले आहे. तीन दिवसापूर्वी कोकणात झालेल्या अतिवृष्टीमुळे पूरस्थिती निर्माण होऊन मुख्य बाजारपेठ आणि नागरी वस्तीत सहा ते सात फूट पाणी शिरले होते. आता परिस्थिती निवळली असली तरी, पूरानंतर सावरण्यासाठी नागरिकांना मदतीची गरज आहे. त्याच पार्श्वभूमीवर मुख्यमंत्री उद्धव ठाकरे आज सलग दुसऱ्या दिवशी कोकण दौऱ्यावर आले आहेत.

हेही वाचा -पूर परिस्थितीमुळे राज्यात 113 जणांचा मृत्यू, तर 100 जण अद्यापही बेपत्ता