दरड कोसळल्याने मुंबई-गोवा महामार्ग पुन्हा ठप्प

परशुराम ते पीरलोटे परिसरादरम्यान दरड कोसळल्याने मुंबई-गोवा महामार्ग पुन्हा एकदा बंद करण्यात आला आहे. महामार्गावरील हॉटेल ओमेगा इन जवळ आज ३ वाजण्याच्या सुमारास दरड कोसळली. प्रशासनाचे कर्मचारी घटनास्थळी दाखल झाले असून ढीगारा हटवण्याचे काम सुरू करण्यात आले आहे.

रत्नागिरी - परशुराम ते पीरलोटे परिसरादरम्यान दरड कोसळल्याने मुंबई-गोवा महामार्ग पुन्हा एकदा बंद करण्यात आला आहे. महामार्गावरील हॉटेल ओमेगा इन जवळ आज ३ वाजेच्या सुमारास दरड कोसळली. प्रशासनाचे कर्मचारी घटनास्थळी दाखल झाले असून ढीगारा हटवण्याचे काम सुरू करण्यात आले आहे.

जगबुडी नदीच्या पाणीपातळीत वाढ झाल्याने मुंबई-गोवा महामार्ग तब्बल 15 तास बंद होता. आज सकाळी सव्वाअकरा वाजल्यापासून जगबुडी नदीवरील पूल वाहतुकीसाठी सुरू करण्यात आला त्यानंतर वाहतूक सुरळीत झाली होती. दरम्यान, दरड कोसळल्याने मुंबई-गोवा महामार्ग पुन्हा एकदा ठप्प झाला आहे.