रत्नागिरी- कोकणातील महत्वाचा सण म्हणजे गणेशोत्सव. त्यामुळे मुंबई-पुण्यातून दरवर्षी लाखो चाकरमानी आपल्या गावी गणेशोत्सवासाठी येत असतात. यावेळी प्रवासासाठी चाकरमान्यांची संपूर्ण मदार मुंबई-गोवा महामार्गावरच असते. मात्र, गेल्या दोन महिन्यात या अनेक ठिकाणी दरडी कोसळल्या, तर अनेक ठिकाणी रस्ता खचला आहे. त्यामुळे आगामी गणेशोत्सवाच्या दृष्टीने आज खासदार सुनिल तटकरे यांनी कशेडी घाटाची पाहणी केली आहे.
खचलेल्या कशेडी घाटाची खासदार तटकरेंंकडून पाहणी करण्यात आली
कशेडी घाटात भोगाव इथे १०० मीटर परिसरातील रस्ता दोन ते चार फुटाने खचला आहे. सध्या या ठिकाणी काम सुरू असून रस्ता सुस्थितीत करण्यासाठी युद्धपातळीवर प्रयत्न सुरू आहेत. त्यामुळे इथली वाहतूक सध्या एकेरी सुरू आहे. या कामाचा आढावा घेण्यासाठी आज खासदार सुनिल तटकरे यांनी या घाटाची पाहणी केली आहे.