रत्नागिरी - चिपळूणवर पुराचे संकट ओढावले आहे. आता पूर ओसरला असला तरी, परिस्थिती अतिशय विदारक झाली आहे. लोक मदतीसाठी टाहो फोडत आहेत. सध्या आभाळ फाटलेल आहे, कुठे ठिगळ द्यावेत अशी परिस्थिती आहे. मात्र, होईल ती मदत आपल्या परीने करण्याचे काम मी करतो आहे. अशी प्रतिक्रियी चिपळूणचे राष्ट्रवादी काँग्रेसचे आमदार शेखर निकम यांनी दिली आहे. दरम्यान, जिल्ह्यासाठी आपत्ती व्यवस्थापन (Disaster management) मजबुत होणे आवश्यक असल्याचे मत त्यांनी यावेळी व्यक्त केले. ते ईटीव्ही भारत'शी बोलत होते.
चिपळूणचे राष्ट्रवादी काँग्रेसचे आमदार शेखर निकम हे पुरग्रस्तांपर्यंत मदत पोहचवण्याचे काम करत आहेत. या सर्व परिस्थितीबाबत आमदार निकम यांच्याशी आमचे प्रतिनिधी राकेश गुडेकर यांनी बातचीत केली आहे.