रत्नागिरी- चिपळूण तालुक्यातील तिवरे धरण फुटल्यानंतर आता याला राजकीय रंग चढू लागला आहे. या प्रकरणी आता हे धरण बांधलेल्या खेमराज कन्स्ट्रक्शन कंपनी विरोधात बोट उगारलं जात आहे. मात्र, तिवरे धरण फुटीत आपला काहीच दोष नसल्याचा दावा शिवसेना आमदार सदानंद चव्हाण यांनी केला आहे.
आमदार सदानंद चव्हाण - शिवसेना
२० वर्षापूर्वी आमदार चव्हाण आणि त्यांच्या बंधूच्या खेमराज कन्स्ट्रक्शन या कंपनीने हे धरण बांधले होते. हे धरण मातीचे बांधण्यात आले होते. त्यामुळे तब्बल २० वर्षानंतर धरण बांधलेल्यांना या दुर्घटनेबाबत कसं काय दोषी धरलं जावू शकते, असा उलट सवाल करत चव्हाण यांनी त्यांची जबाबदारी झटकण्याचा प्रयत्न केला आहे.