Anil Parab Reaction on Nitesh Rane : नितेश राणे यांची अटक आता अटळ - मंत्री अनिल परब

सर्वोच्च न्यायालयाने (Supreme Court) नितेश राणे (Mla Nitesh Rane) यांचा जामीन फेटाळला आहे. त्यामुळे आता त्यांची अटक अटळ आहे, अशी प्रतिक्रिया शिवसेना नेते आणि परिवहन मंत्री अनिल परब (Minister Anil Parab) यांनी दिली आहे.

रत्नागिरी - सर्वोच्च न्यायालयाने (Supreme Court) नितेश राणे (Mla Nitesh Rane) यांचा जामीन फेटाळला आहे. त्यामुळे आता त्यांची अटक अटळ आहे, अशी प्रतिक्रिया शिवसेना नेते आणि परिवहन मंत्री अनिल परब (Minister Anil Parab) यांनी दिली आहे. ते आज चिपळूणमध्ये बोलत होते. भाजप आमदार नितेश राणे यांचा अटकपूर्व जामीन अर्ज आज सर्वोच्च न्यायालयाने फेटाळला आहे.

यावेळी अनिल परब म्हणाले की, ही सर्व कायदेशीर प्रक्रिया आहे. सर्वोच्च न्यायालयाने सरकारची बाजू मान्य केली आहे. न्यायालयाला असे वाटले असेल की या सर्व गोष्टींमध्ये नितेश राणे यांचा हात आहे, म्हणून जामीन फेटाळला असेल. त्याची पूर्ण रिझिनिंग ऑर्डर मी बघितलेली नाही, परंतु जामीन फेटाळला आहे, त्यामुळे आता अटक अटळ आहे.

• काय आहे प्रकरण?

सिंधुदुर्ग जिल्हा बँक निवडणूक नितेश राणे ( Nitesh Rane ) यांना चांगलीच भोवली आहे. शिवसैनिक संतोष परब हल्ला ( Santosh Parab Attack Case ) प्रकरणी 18 डिसेंबर रोजी हल्ला झाला होता. या प्रकरणामध्ये नितेश राणे ( Bjp Mla Nitesh Rane ) यांच्यावर गंभीर आरोप करण्यात आला आहे. उच्च न्यायालयाने जामीन अर्ज फेटाळल्यानंतर नितेश राणे यांनी अटकपूर्व जामिनासाठी सर्वोच्च न्यायालयात धाव घेतली होती. या संदर्भात आज सुनावणी पार पडली. यावेळी सर्वोच्च न्यायालयाने नितेश राणे यांना जिल्हा न्यायालयासमोर शरण येण्यास 10 दिवसांची मुदत दिली आहे.

हेही वाचा -Supreme Court On Nitesh Rane : नितेश राणेंना सर्वोच्च न्यायालयाचा झटका; शरण येण्यास दहा दिवसांचा कालावधी