खेडमध्ये घरावर कोसळली दरड; सुदैवाने जीवितहानी नाही

मुसळधार पावसामुळे ठिकठिकाणी नुकसान झाल्याच्या घटना घडल्या आहेत. खेडमधील नातूनगर गावात डोंगराचा मोठा भाग खचून एका घरावर दरड कोसळल्याची घटना घडली आहे. सुदैवाने यात कोणतीही जीवितहानी झाली नाही.

रत्नागिरी - खेडमधील नातूनगर गावात डोंगराचा मोठा भाग खचून एका घरावर दरड कोसळल्याची घटना घडली. त्यामुळे घराचे मोठे नुकसान झाले आहे. सुदैवाने यात कोणतीही जीवितहानी झाली नाही.

मुसळधार पावसामुळे ठिकठिकाणी नुकसान झाल्याच्या घटना घडल्या आहेत. तर नातूनगर गावातील राजेंद्र बेलोसे यांच्या घरावर डोंगराचा मोठा भाग खचून दरड कोसळली. यावेळी घरात कोणी नसल्याने जीवितहानी झाली नाही. मात्र, दरड कोसळल्याने घर जमीनदोस्त झाले आहे. दरम्यान, डोंगराचा आणखी काही भाग खचत असल्याने २० घरांना धोका निर्माण झाला आहे.