विनायक राऊत हे मातोश्रीवरचे 'टाॅमी' - निलेश राणे

वैद्यकीय महाविद्यालयाच्या परवानगीसाठी खासदार नारायण राणे हे दोन महिन्यापूर्वी मातोश्रीवर फोन करत होते, असा गौप्यस्फोट शिवसेना सचिव खासदार विनायक राऊत यांनी सिंधुदुर्गात बोलताना केला होता. या आरोपांना प्रत्युत्तर देताना माजी खासदार निलेश राणे म्हणाले की, मातोश्रीने विनायक राऊतांना कोकणात राणेंवर भुंकायला पाठवले आहे.

रत्नागिरी -सिंधुदुर्गात ग्रामपंचायत निवडणुकीच्या प्रचारादरम्यान खासदार विनायक राऊत यांनी माजी मुख्यमंत्री, भाजप नेते खासदार नारायण राणे यांच्यावर टीका करत आरोप केले होते. या आरोपांना माजी खासदार निलेश राणेंनी सडेतोड उत्तर दिले आहे. वैद्यकीय महाविद्यालयाची परवानगी मेडिकल काउन्सिल ऑफ इंडियाकडून मिळते. वैद्यकीय महाविद्यालयाची जमीन आमची खासगी आहे. त्यावर कर्ज घेऊन रुग्णालय आणि वैद्यकीय महाविद्यालय सुरू केले आहे. इथल्या परवानगीसाठी राज्य सरकारची गरज नाही. त्यामुळे शिवसेनेच्या पोटात का दुखतंय, असा सवाल करत निलेश राणेंनी खासदार विनायक राऊत यांच्यावर टीका केली आहे. ते आज रत्नागिरीत बोलत होते.

विनायक राऊत मातोश्रीवरचे टाॅमी - राणे

वैद्यकीय महाविद्यालयाच्या परवानगीसाठी खासदार नारायण राणे हे दोन महिन्यापूर्वी मातोश्रीवर फोन करत होते, असा गौप्यस्फोट शिवसेना सचिव खासदार विनायक राऊत यांनी सिंधुदुर्गात बोलताना केला होता. या आरोपांना प्रत्युत्तर देताना माजी खासदार निलेश राणे म्हणाले की, मातोश्रीने विनायक राऊतांना कोकणात राणेंवर भुंकायला पाठवले आहे. विनायक राऊत मातोश्रीवरचे 'टाॅमी' असल्याची टीका निलेश राणेंनी केलीय. लोकांची सेवा करणे ही त्यांची 'ड्युटी' नाही, तर मातोश्रीवरच्या बक्षीसासाठी विनायक राऊत राणेंवर बोलतात. ग्रामपंचायतीची निवडणूक आहे आणि आरोप राणेंवर. त्यामुळे तुम्ही ग्रामपंचायत पातळीवर काही काम केले नाही, हे स्पष्ट होत आहे, असा आरोप निलेश राणेंनी केला आहे.

हेही वाचा -'घोटाळेबाज प्रताप सरनाईकवर महाराष्ट्र सरकार कधी कारवाई करणार?'

वैद्यकीय महाविद्यालयाच्या परवानगीसाठी राज्य सरकारची गरज नाही

दरम्यान, वैद्यकीय महाविद्यालयाची परवानगी मेडिकल काउन्सिल ऑफ इंडियाकडून मिळते. वैद्यकीय महाविद्यालयाची जमीन आमची खासगी आहे. त्यावर कर्ज घेऊन रुग्णालय आणि वैद्यकीय महाविद्यालय सुरू केले आहे. इथल्या परवानगीसाठी राज्य सरकारची गरज नाही, असे सांगत निलेश राणे यांनी खासदार विनायक राऊत यांच्यावर प्रहार केला आहे.

तेव्हा का केसेस ओपन केल्या नाहीत - राणे

विनायक राऊत हे मोदी साहेबांच्या लाटेमुळे निवडून आले आहेत. त्यापलीकडे ह्यांना काही किंमत काही नाही. दरम्यान, २०१४ ते २०१९ या कालावधीत गृहराज्यमंत्री पद दिपक केसरकर यांच्याकडे होते. त्यावेळी का नाही राणेंवरच्या केसेस ओपन केल्यात? त्यामुळे राणेंच्या बदनामीचा अजेंडा विनायक राऊतांनी उचलला असल्याची टीका यावेळी राणेंनी केली. तसेच, एक-दोन निवडणुकांना यश मिळाले, म्हणजे राणे संपले असे होत नाही. येणाऱ्या काळात राणे यांनाही घरी बसवतील, असेही निलेश राणे यावेळी म्हणाले.

हेही वाचा -सामूहिक बलात्काराची खोटी तक्रार; महिलेविरूध्द गुन्हा नोंदविण्याचे निर्देश