लोकसभा 2019 : रत्नागिरी-सिंधुदुर्गमधून महाआघाडीच्या बांदिवडेकरांनी भरला उमेदवारी अर्ज

रत्नागिरी-सिंधुदुर्ग मतदार संघातून महाआघाडीच्या बांदिवडेकरांनी उमेदवारी अर्ज भरला.

रत्नागिरी- रत्नागिरी-सिंधुदुर्ग लोकसभा मतदार संघातील काँग्रेस-राष्ट्रवादी काँग्रेस महाआघाडीचे उमेदवार नविनचंद्र बांदिवडेकर यांनी आज जिल्हाधिकारी कार्यालयात आपला उमेदवारी अर्ज भरला.

यावेळी खासदार हुसेन दलवाई, आमदार भास्कर जाधव, काँग्रेस प्रवक्ते सचिन सावंत, आमदार हुस्नबानो खलिफे, माजी आमदार हरीश रोग्ये, शेखर निकम आदी उपस्थित होते.

अर्ज भरण्यापूर्वी काँग्रेसभवन येथे महाआघाडीची जाहीर सभा झाली. त्यानंतर काँग्रेसभवन येथून महाआघाडीच्या रॅलीला सुरुवात झाली. जिल्हाधिकारी कार्यालयापर्यंत ही रॅली काढण्यात आली. यावेळी काँग्रेस, राष्ट्रवादी काँग्रेसचे शेकडो कार्यकर्ते या रॅलीत सहभागी झाले होते. दरम्यान, आपला विजय निश्चित असल्याची प्रतिक्रिया यावेळी बांदिवडेकर यांनी दिली.