रत्नागिरी - माजी गृहमंत्री अनिल देशमुख यांना पुन्हा एकदा ईडीने चौकशीसाठी हजर रहाण्याचे समन्स पाठले आहे. त्यानंतर अनिल देशमुख दिल्लीकडे रवाना झाले आहेत. या प्रकरणावर शिवसेना उपनेते तथा उच्च आणि तंत्रशिक्षण मंत्री उदय सामंत यांनी सावध प्रतिक्रिया दिली आहे. अनिल देशमुख हे दिल्लीला का गेले याची मला माहिती नाही. पण ईडीच्या चौकशीला सामोरे जाण्यासाठी आणि उत्तर देण्यासाठी ते सक्षम आहेत. या सर्व चौकशी संदर्भातील जी काही भावना आहे ती जनतेला माहिती आहे, अशी प्रतिक्रिया सामंत यांनी दिली. ते आज रत्नागिरी येथे पत्रकारांशी बोलत होते.
उच्च व तंत्रशिक्षण मंत्री उदय सामंत रत्नागिरी येथे आले असताना, त्यांनी पत्रकारांशी संवाद साधला