रत्नागिरी - लोकसभा निवडणुकीचे अचूक भविष्य सांगा आणि २१ लाख मिळवा, असे जाहीर आव्हान अंधश्रद्धा निर्मुलन समितीने (अंनिस) ज्योतिषांना दिले आहे. याबाबत अंनिसने बुधवारी पत्रकार परिषद घेतली. हे आव्हान स्वीकारणाऱ्या ज्योतिषांना २५ प्रश्नांची प्रश्नावली पोस्टाने पाठविण्यात येणार असल्याची माहिती अंनिसच्या पदाधिकाऱ्यांनी दिली.
अंनिसच्या पत्रकार परिषदेत बोलताना कार्याध्यक्ष अविनाश पाटील
देशभरात निवडणुका सुरू आहेत. त्याचबरोबर निवडणुकींचे निकाल सांगणाऱ्या ज्योतिषांची संख्यादेखील वाढली आहे. त्यामुळे लोकांमध्ये गैरसमज पसरत आहेत. या अंधश्रद्धेविरोधात भूमिका घेण्याचा निर्णय अंनिसने केला आहे. त्यासाठीच ज्योतिषांना जाहीर आव्हान देण्याचे त्यांनी ठरवले आहे. गेल्यावेळी देखील अंनिसने राज्यातील नामवंत ज्योतिषांना आव्हान दिले होते. हे आव्हान एकाही ज्योतिषाने स्वीकारले नव्हते.