रत्नागिरी - राष्ट्रवादी काँग्रेसची शिवस्वराज्य यात्रा शुक्रवारी(दि.20सप्टेंबर)ला चिपळूणमध्ये आल्यानंतर खासदार अमोल कोल्हे यांनी युती सरकारवर जोरदार टीका केली. '23 जणांचे निष्पाप बळी गेल्यानंतर खेकड्यांनी धरण फोडल्याचं हे बेजबाबदार लोक सांगतात'; या निवडणुकीत त्यांना त्यांची जागा दाखवा, असे म्हणून त्यांनी शासनाला धारेवर धरले.
शिवस्वराज्य यात्रेसाठी चिपळूणमध्ये आल्यानंतर खासदार अमोल कोल्हे यांनी युती सरकारवर जोरदार टीका केली.
10 वर्ष त्यांच्या पक्षाचे या मतदारसंघात आमदार असताना जर अशी धरणं फुटायला लागली, तर असे खेकडे सर्वच ठेकेदारांना हवेहवेसे वाटतील, असे अमोल कोल्हे म्हणाले. अशा घटना टाळण्यासाठी तुम्हाला जागरूक व्हावे लागेल, असे आवाहन त्यांनी केले.