रायगड - रोहा तालुक्यातील किल्ला गावात मंगळवारी मध्यरात्री, अरुणा शंकर बामुगडे (६७) या वृद्ध महिलेची अज्ञाताने धारदार शस्त्राने वार करून निर्घृण हत्या केली. यामुळे जिल्ह्यात खळबळ उडाली आहे.
चौकशी करतांना पोलीस अधिकारी अरुणा बामुगडे आणि त्यांचे पती शंकर बामुगडे रात्रीच्यावेळी घरात झोपलेले असताना अंधाराचा फायदा घेऊन अज्ञाताने अरुणा यांच्यावर हल्ला केला.हल्लेखोराने त्यांच्या मानेवर आणि डोक्यावर धारदार शस्त्राने वार केले. या हल्यात त्या गंभीर जखमी झाल्याने त्यांचा जागीच मृत्यू झाला. ही घटना मध्यरात्रीच्या सुमारास घडली.
मृत्यूमुखी पडलेल्या अरुणा बामुगडे यांचे पती शंकर बामुगडे रात्री लघुशंकेसाठी उठले असता हा प्रकार त्याच्या निदर्शनास आला. पत्नीची हत्या झाल्याचे समजताच शंकर बामुगडे यांनी आरडाओरड केली. ही घटना क्षणार्धात वाऱ्यासारखी पसरली. वृध्द महिलेच्या हत्येचे वृत्त कळताच पोलीस उपविभागीय अधिकारी अमोल गायकवाड, पो. निरीक्षक परदेशी व त्यांच्या चमूने तातडीने घटनास्थळ गाठले.
वृद्ध महिलेच्या खुनाचे गांभीर्य लक्षात घेत अलिबागवरून श्वान पथक बोलवण्यात आले. वृद्धेची हत्या कोणी आणि कशासाठी केली, हे लवकरच तपासातून समोर येईल, अशी माहिती पोलीस अधिकारी अमोल गायकवाड यांनी दिली आहे. या घटनेमूळे सपूर्ण जिल्हा हादरला आहे.
हत्येबाबत ग्रामस्थांनमध्ये विविध शंका उपस्थित झाल्या असून खूनी जवळचाच आहे, की बाहेरचा, यावर तपास सुरू करून लवकरात लवकर खुन्याला अटक करावी, अशी मागणी त्यांनी केली आहे.
