रायगड - आज देशभरात 'कारगिल विजय दिन' साजरा केला जात आहे. यानिमित्ताने आज कारगिल युद्धात वीरमरण आलेल्या अलिबाग तालुक्यातील सहाणगोठी गावातील सुपुत्र निलेश तुणतुणे यांना श्रद्धांजली वाहण्यात आली. तसेच राज्य सरकारतर्फे शाळा व महाविद्यालयीन विद्यार्थ्यांना 'उरी - दि सर्जिकल स्ट्राईक' हा युद्धपट मोफत दाखविण्यात आला.
कारगिल विजय दिनानिमित्ताने विद्यार्थ्यांसाठी 'उरी - द सर्जिकल स्ट्राईक' सिनेमाचा मोफत शो
अलिबाग तालुक्यातील सहाणगोठी गावातील सुपुत्र निलेश तुणतुणे हे सैन्यात गन मास्टर या पदावर रुजू होते. तर १९९८ मध्ये भारत-पाकिस्तान यांच्यात कारगिल युद्ध सुरू झाले होते. त्यामुळे ते बारामुल्ला, श्रीनगर, काश्मीर परिसरात युद्धात सहभागी झाले. यावेळी पाकिस्तानच्या सैन्याच्या हल्ल्यात १ ऑगस्ट १९९८ रोजी त्यांना वीरमरण प्राप्त झाले. त्यांच्या स्मरणार्थ सहाणगोठी या मूळ गावी हुतात्मा निलेश तुणतुणे यांचे स्मारक बांधण्यात आले.