माथेरानच्या जंगलात आढळला अज्ञात व्यक्तीचा मृतदेह; हत्या की आत्महत्या तपास सुरू

काही दिवसांपूर्वी माथेरानला चालत निघालेली ही व्यक्ती नागरिकांना अडवून स्वतःच्या नोकरी साठी विचारपूस करत होती. तर भूक लागली म्हणून सांगत असल्याचे बोलले जात आहे. सदर घटनेबाबत अधिक तपास सुरू असून ही हत्या की आत्महत्या हे अद्याप समजू शकले नाही.

रायगड - माथेरानच्या जंगलात एका अनोळखी व्यक्तीचा मृतदेह आढळून आल्याने परिसरात एकाच खळबळ उडाली आहे. याबाबत स्थानिक रहिवाश्यांना रस्त्यावरून जात असताना दुर्गंधी येत असल्याने हा प्रकार समोर आला, सदर मयत व्यक्ती झाडाला लटकलेल्या अवस्थेत आढळून आला असून शरीर कुजलेल्या अवस्थेत दिसत आहे. नेरळ पोलिसांनी घटनास्थळी जाऊन मृतदेहाचा पंचनामा करून शवविच्छेदनासाठी रुग्णालयात पाठविला आहे. मृतदेहाची ओळख पटविण्याचा प्रयत्न पोलिसांकडून सुरू आहे. मात्र, अज्ञात व्यक्तीने आत्महत्या केली की त्याची हत्या झाली हे कळलेले नाही.

दुर्गंधी पसरल्याने कळले करणजागतिक दर्जाचे पर्यटन स्थळ असणाऱ्या माथेरान घाट रस्त्यालगत दुर्गम परिसरातील गारबट गावाकडे जाणाऱ्या नागरिकांना परिसरात दुर्गंधी पसरलेली जाणवली. याबाबत शोध घेतला असता रस्त्यालगत काही अंतरावर झाडाला लटकलेल्या अवस्थेत मानवी जातीचे शरीर दिसून आले. स्थानिक नागरिकांनी त्वरित नेरळ पोलिसांनी सांगितले. त्यानंतर पोलीस घटनास्थळी दाखल झाले.8 ते 10 दिवसापूर्वीच मृत्यूजंगलात झाडाला लटकलेल्या अवस्थेत अज्ञात व्यक्तीचे शरीर पूर्ण कुजल्याने परिसरात दुर्गंधी सुटली होती. मयत व्यक्ती ही पुरुष जातीचे असून साधारण 8 ते 10 दिवसांपूर्वी ते झाडाला लटकलेल्या अवस्थेत असल्याचे बोलले जात आहे. मयत व्यक्तीचा चेहेरा पूर्णतः कुजलेला अवस्थेत दिसून येत असून डोक्यावरील केस देखील गळ्यापर्यंत पसरलेले दिसत आहे. मयत व्यक्ती ज्या ठिकाणी लटकलेल्या अवस्थेत आढळून आली त्या ठिकाणी बॅग आढळून आली आहे. त्या बॅगमध्ये काही लोखंडी शस्त्र देखील सापडली आहेत. तसेच मयत व्यक्तीचा मोबाईल देखील पोलिसांना सापडून आला आहे.मयत व्यक्ती होती नोकरीच्या शोधातकाही दिवसांपूर्वी माथेरानला चालत निघालेली ही व्यक्ती नागरिकांना अडवून स्वतःच्या नोकरीसाठी विचारपूस करत होती. तर भूक लागली म्हणून सांगत असल्याचे बोलले जात आहे. सदर घटनेबाबत अधिक तपास सुरू असून ही हत्या की आत्महत्या हे अद्याप समजू शकले नाही.