रायगड- राज्यात प्लास्टिक बंदी लागू होऊन दोन वर्षे झाली. यानंतरही अनेक शासकीय कार्यालयात प्लास्टिक बाटल्यांचा सर्रास वापर होतो. मात्र याला रायगडचे जिल्हाधिकारी कार्यालय अपवाद ठरले आहे. जिल्हाधिकारी कार्यालयात शासकीय बैठका, पत्रकार परिषदवेळी आता प्लास्टिकच्या बाटल्या हद्दपार करण्यात आल्या आहेत. याजागी स्टीलच्या बाटल्यांचा वापर सुरू करण्यात आला आहे. त्यामुळे जिल्हाधिकारी कार्यालय प्लास्टिक मुक्त करण्याकडे पाऊल पडले आहे.
जिल्हाधिकारी कार्यालयातून प्लास्टिक बाटल्या हद्दपार; जिल्हाधिकाऱ्यांचा स्तुत्य उपक्रम
राज्याचे माजी पर्यावरण मंत्री रामदास कदम यांनी प्लास्टिक बंदी लागू केली. मात्र प्लास्टिक बंदीला अजून अपेक्षित प्रतिसाद मिळाल्याचे चित्र नाही. परंतु, आता शासकीय इमारत पूर्णपणे प्लास्टिकमुक्त करून जिल्हाधिकाऱ्यांनी नवा पायंडा पाडला आहे.