रायगड - 2 मार्चला अंगारकी संकष्टी चतुर्थी आहे. अंगारकीला मोठ्या संख्येने भाविक पाली बल्लाळेश्वर चरणी दर्शनाला येत असतात. राज्यात कोरोनाचा वाढता प्रादुर्भाव लक्षात घेता पाली बल्लाळेश्वर मंदिर 2 मार्चला अंगारकी संकष्टी चतुर्थी निमित्त बंद ठेवण्यात येणार आहे. त्यामुळे, भाविकांनी दर्शनासाठी येऊ नये, असे आवाहन मंदिराचे अध्यक्ष अॅड. धनंजय दातार यांनी केले.
माहिती देताना मंदिराचे अध्यक्ष अॅड. धनंजय दातार हेही वाचा -कामगारांच्या हितासाठी आमचे झेंडे बाजूला ठेवू - सचिन अहिर
राज्यात कोरोनाचा प्रादुर्भाव पुन्हा एकदा वाढू लागला आहे. शासनाने कोरोनाच्या अनुषंगाने पुन्हा नियम लागू केले आहेत. 2 मार्चला अंगारकी संकष्टी चतुर्थी असल्याने भाविक गणरायाच्या दर्शनासाठी पाली बल्लाळेश्वर येथे मोठ्या संख्येने येण्याची शक्यता आहे. त्यामुळे, कोरोना पुन्हा वाढण्याची शक्यता आहे. या अनुषंगाने मंदिर प्रशासनाच्या बैठकीत 2 मार्चला बल्लाळेश्वर मंदिर एक दिवस पूर्ण बंद ठेवण्याचा निर्णय घेण्यात आला आहे.
हेही वाचा -रेवदंडा समुद्रकिनाऱ्यावरील टेंट कॅम्पनिंग व्यवसायावर महसूलने फिरवला जेसीबी
