रायगड- मुंबई-पुणे एक्सप्रेस हायवेवर आज(गुरुवार) पहाटे सहाच्या दरम्यान खोपोली पोलीस ठण्याच्या हद्दीतील ढेकू गावाजवळ कारचा भीषण अपघात झाला. कारची एका अज्ञात वाहनाला ठोकर बसल्याने हा अपघात झाला. या अपघातात कारचालकाचा जागीच मृत्यू झाला. अपघातानंतर तो तब्बल दोन तास गाडीत अडकून होता.
हेही वाचा -सुधारित नागरिकत्व कायदा रद्द करावा या मागणीसाठी सर्वधर्मीय नागरिकांनी केले उपोषण
मुंबई पुणे एक्सप्रेस वेवरील खोपोली पोलीस ठाण्याच्या हद्दीतील ढेकू गावाजवळ घाट मार्ग उतरताना याठिकाणी अनेक अपघात झाले आहेत. घाट मार्गावरून उतरत असताना वाहनचालकाचे गाडीवरील नियंत्रण सुटले व पुढे उभ्या असलेल्या वाहनाला धडक दिली.
या अपघातात वाहनचालकाचा जागीच मृत्यू झाला आहे. त्यानंतर तो स्टेयरिंग व सीटमध्ये अडकून पडला होता. सदर कार ही पुण्याकडून मुंबईच्या दिशेला जात होती.