खालापूर (रायगड) - तालुक्यातील कलोते गावाला जोडणाऱ्या मुख्य रस्त्यावर जागोजागी खड्डे पडल्याने या काही अंतराच्या मार्गावरून प्रवास करणे जिकरीचे बनल्याची प्रतिक्रिया नागरिकांमधून दिली जात आहे. हा मार्ग वर्दळीचा असून परिसरातील दुचाकी, तीनचाकी, चारचाकी व अन्य वाहनांची वाहतूक सुरू असल्याने खड्डेमय मार्गावर प्रवास करणे मोठे कसरतीचे झाल्याचे नागरिक म्हणत आहेत. त्यामुळे याची प्रशासनाने दखल घेत रस्त्याची दुरूस्ती करण्याची मागणी नागरिक करत आहेत.
कलोते गावाला जोडणाऱ्या मुख्य रस्त्याची अक्षरशः चाळण
खड्ड्यामुळे नागरिकांना होतोय त्रास -
तालुक्यातील बहुतेक रस्त्यांना जणू ग्रहणंच लागले की, अशी प्रतिक्रिया सर्वसामान्य नागरिकांमधून ऐकायला मिळत आहे. खड्डेमय रस्त्यांमुळे अपघाताच्याही घटना घडत आहेत. त्यामुळे रस्त्याच्या तातडीने दुरूस्तीची मागणी होत आहे.