रायगड : तारिक गार्डन दुर्घटनेतील मुख्य आरोपी फारुक काझी याला आज(शुक्रवार) महाड न्यायलायत हजर करण्यात आले होते. न्यायालयाने फारुक काझी याला 4 ते 11 सप्टेंबर अशी सात दिवसांची पोलीस कोठडी सुनावली आहे.
मुख्य आरोपी फारुक काझी याला सात दिवसाची पोलीस कोठडी
महाड इमारत दुर्घटनेतील मुख्य आरोपी फारुक काझी यासह पाच जणांवर सदोष मनुष्यवधाचा गुन्हा महाड शहर पोलीस ठाण्यात दाखल करण्यात आला होता. गुन्हा दाखल झाल्यानंतर फारुक काझी हा फरार झाला होता. 31 ऑगस्टरोजी फारुक काझी याने माणगाव जिल्हा सत्र न्यायालयात अटकपूर्व जमीन अर्ज दाखल केला होता. त्याची सुनावणी 3 सप्टेंबर रोजी माणगाव सत्र न्यायालयात होणार होती. त्यानुसार काझी हा न्यायालयात हजर झाला होता.