रायगड- राज्यातील विविध भागांत विशेषत: सांगली आणि कोल्हापूर जिल्ह्यात आलेल्या महापुरामुळे मोठे नुकसान झाले आहे. येथे जीवितहानीसोबतच वित्तहानीही मोठी झाली आहे. पूरग्रस्तांना मदत करण्यासाठी सध्या अनेक हात पुढे येत आहेत. रायगड जिल्हा परिषदेच्या ग्रामपंचायत विभागामार्फत सांगली, कोल्हापूर जिल्ह्यातील पूरग्रस्तांना मदत करण्यात आली. यावेळी 18 गावांतील 2 हजार 100 कुटूंबांना जिवनावश्यक वस्तूंचे वाटप करण्यात आले आहे.
रायगड जिल्हा परिषदेच्या ग्रामपंचायत विभागाकडून पूरग्रस्तांना मदत
जिल्हा परिषदेच्या अध्यक्षा आदिती तटकरे, उपाध्यक्ष आस्वाद पाटील आणि मुख्य कार्यकारी अधिकारी दिलीप हळदे यांच्या पुढाकाराने हा उपक्रम राबविण्यात आला. ग्रांमपचायत विभागातील अधिकारी आणि कर्मचाऱ्यांनी यात उत्फूर्त सहभाग घेतला.