रायगड -जखमी अवस्थेत असलेल्या फ्लेमिंगोला औषधोपचार केल्यानंतर उरणमधील पांणवठ्याजवळ सोडण्यात आले आहे. उरण वन विभागाच्या कर्मचाऱ्यांनी आणि पशु वैद्यकीय अधिकाऱ्यांनी या फ्लेमिंगोला नवे जीवदान दिले. त्यामुळे फ्लेमिंगो हा आपल्या सवंगड्यात मिसळला आहे.
उरणमध्ये जखमी अवस्थेत आढळून आलेल्या फ्लेमिंगोला मिळाले जीवदान
फ्लेमिंगो झाला होता जखमी
उरण शहरालगत असलेल्या शेवा पोलीस ठाण्याजवळच्या पाणवठ्यामध्ये एक फ्लेमिंगो निपचित पडलेला आढळून आला होता. या जखमी फ्लेमिंगोची माहिती वनखात्याला देऊन त्याच्यावर पशुवैद्यकीय रुग्णालयात उपचार करून त्याच्या जखमेवर टाके घालण्यात आले. यानंतर, या जखमी फ्लेमिंगोला वनखात्याच्या सल्ल्याने दोन दिवस निरिक्षणाखाली ठेवण्यात आले होते.