रायगडात काँग्रेसच्या उमेदवार अॅड. श्रद्धा ठाकूर यांचे 'एकला चलो रे'

काँग्रेसचे माजी आमदार मधुकर ठाकूर यांनी अधिकृत उमेदवाराला पाठिंबा न देता अपक्ष उमेदवार राजेंद्र ठाकूर यांना आपला पाठिंबा जाहीर केला. मधुकर ठाकूर यांना मानणारा वर्ग मोठा असल्याने त्याच्या आदेशाने अलिबाग, मुरुड विधानसभा मतदारसंघातील पदाधिकारी, कार्यकर्ते हे अपक्ष उमेदवार राजेंद्र ठाकूर यांचा प्रचार करीत आहेत. मात्र, या अंतर्गत कुरखोडीमुळे काँग्रेसच्या अधिकृत उमेदवार श्रद्धा ठाकूर यांच्या बरोबर काँग्रेसचे मोजकेच कार्यकर्ते शिल्लक राहिले आहेत.

रायगड - जिल्ह्यातील अलिबाग विधानसभा मतदारसंघात काँग्रेसने अॅड. श्रद्धा ठाकूर यांना उमेदवारी दिली. त्यांच्याविरोधात त्यांचे सख्खे दिर राजेंद्र ठाकूर यांनी बंडखोरी केली आहे. अलिबाग, मुरुडमधील काँग्रेस पदाधिकारी, कार्यकर्ते हे राजेंद्र ठाकूर यांचा प्रचार करीत आहेत. काँग्रेसने महिला सक्षमीकरणामुळे 1957 मध्ये मनोरमा भिडे यांच्यानंतर 62 वर्षांनी मतदारसंघात दुसऱ्यांदा उच्च शिक्षित अॅड. श्रद्धा ठाकूर यांच्या रूपाने महिला उमेदवार म्हणून संधी दिली आहे. मात्र, काँग्रेस पक्षात बंडखोरी झाल्याने महिला उमेदवार श्रद्धा ठाकूर आणि निरीक्षक म्हणून आलेल्या राज्यसभा सदस्या डॉ. अमीन यागनिक यांना मोजक्याच कार्यकर्त्यांना घेऊन प्रचारात फिरण्याची वेळ आली आहे.

हेही वाचा -संगमनेर मतदारसंघ : काँग्रेस प्रदेशाध्यक्षांच्या गडाला खिंडार पाडण्यास विरोधक एकवटले

अलिबाग विधानसभा मतदारसंघात 1952 पासून फक्त 4 वेळा काँग्रेसचे पुरुष उमेदवार निवडून आले आहेत. या मतदारसंघात 1957 साली आणि आता 2019 च्या निवडणुकीत महिलेला काँग्रेसने संधी दिली आहे. 2019 च्या निवडणुकीसाठी माजी आमदार मधुकर ठाकूर यांचे सुपुत्र अॅड. प्रवीण ठाकूर, राजेंद्र ठाकूर आणि सून अॅड. श्रद्धा ठाकूर या तिघांनी उमेदवारी काँग्रेसकडे मागितली होती. तर पक्षाने महिला सक्षमीकरणमुळे श्रद्धा ठाकूर यांच्या पारड्यात उमेदवारी टाकली. त्यामुळे राजेंद्र ठाकूर यांनी बंडखोरी करून अपक्ष उमेदवारी अर्ज दाखल केला.

हेही वाचा -मुख्यमंत्र्यांसारख्या दत्तक बापाची नाशिकला गरज नाही, पवारांचा निशाणा

दुसरीकडे काँग्रेसचे माजी आमदार मधुकर ठाकूर यांनी अधिकृत उमेदवाराला पाठिंबा न देता अपक्ष उमेदवार राजेंद्र ठाकूर यांना आपला पाठिंबा जाहीर केला. मधुकर ठाकूर यांना मानणारा वर्ग मोठा असल्याने त्याच्या आदेशाने अलिबाग, मुरुड विधानसभा मतदारसंघातील पदाधिकारी, कार्यकर्ते हे अपक्ष उमेदवार राजेंद्र ठाकूर यांचा प्रचार करीत आहेत. मात्र, या अंतर्गत कुरखोडीमुळे काँग्रेसच्या अधिकृत उमेदवार श्रद्धा ठाकूर यांच्या बरोबर काँग्रेसचे मोजकेच कार्यकर्ते शिल्लक राहिले आहेत.

हेही वाचा -'प्रकाश मेहता भाजपचे सच्चे कार्यकर्ता, जिथे असतील तिथे पक्षाचंच काम करतील'

महिला सक्षमीकरण उद्देशाने एका महिलेला संधी पक्षाने दिली आहे. काँग्रेस, राष्ट्रवादी काँग्रेस अशी आघाडी असताना राष्ट्रवादी काँग्रेसचे पदाधिकारी, कार्यकर्ते हे सुद्धा काँग्रेसच्या प्रचारात दिसत नाहीत. त्यामुळे काँग्रेसच्याच अधिकृत उमेदवार अॅड. श्रद्धा ठाकूर यांना मोजक्याच कार्यकर्त्यांना घेऊन प्रचार करण्याची वेळ आलेली आहे. अलिबाग विधानसभा मतदारसंघात निरीक्षक म्हणून आलेल्या राज्यसभा सदस्य डॉ. अमीन यागनिक या ऍड. श्रद्धा ठाकूर यांच्या प्रचारात उतरल्या होत्या. मात्र, त्यांनाही कार्यकर्त्यांची कमतरता जाणवली.