रायगड- मुंबई- पुणे मार्गावर बोरघाटात एका खासगी बसला भीषण अपघात झाला आहे. या अपघातात ३ वर्षांच्या चिमुकलीसह ५ जण ठार झाले आहेत. चालकाचा ताबा सुटल्याने बस बोरघाटातील गारमाळ पॉईंट जवळील दरीत कोसळली. ही घटना आज पहाटे ५ च्या सुमारास घडली आहे. या अपघातात ३० जण जखमी झाल्याची माहिती मिळत आहे.
मुंबई- पुणे महामार्गावरील बोरघाटात बस दरीत कोसळली मृतांची नावे -
सर्वज्ञा सचिन थोरात ( वय ३), रा. कराड
स्नेहा जनार्दन पाटील (वय १५) रा. घाटकोपर
जनार्दन पाटील (वय ४५)
संजय शिवाजी राक्षे (वय ५०) पवई
प्रमिला रामचंद्र मोहिते (वय, ५०) कराड
मृतांमध्ये ३ वर्षांची चिमुकली, एक युवती, एक पुरुष आणि एका महिलेचा समावेश आहे. जखमींवर खोपोली येथील सरकारी रुग्णालयात उपचार सुरू आहेत. देवदूत, महामार्ग पोलीस, खोपोली पोलीस घटनास्थळी पोहचले असून मदतकार्य सुरू आहे.
