रायगड : खोपोलीजवळील जशनोव्हा फार्मा या केमिकल कंपनीमध्ये आज पहाटे तीनच्या दरम्यान स्फोट झाला. या स्फोटात दोघांचा मृत्यू झाला असून, पाच जण जखमी झाल्याची माहिती समोर आली आहे. कंपनीतील रिअ‌ॅक्टरचा स्फोट झाल्यामुळे ही दुर्घटना घडली.
खोपोलीजवळ केमिकल कंपनीत स्फोट; एक ठार, चार जखमी
चार किलोमीटरपर्यंत गेला आवाज..
हा स्फोट एवढा मोठा होता, की सुमारे तीन ते चार किलोमीटरपर्यंत याचा आवाज ऐकू आला. तर, एक किलोमीटरच्या परिसरातील घरांच्या खिडक्यांच्या काचा फुटल्याचे समजत आहे.
सुरक्षा रक्षकाची पत्नी ठार..
स्फोट झाल्यानंतर जशनोव्हा शेजारी असलेल्या पेट्रोसोल कंपनीतील सुरक्षा रक्षक राहत असलेल्या ठिकाणचे शेड कोसळले. यात एका सुरक्षा रक्षकाच्या पत्नीचा मृत्यू झाला. तर, मृत महिलेचा पती आणि तीन मुले जखमी झाली. आणखी एकाचा मृत्यू झाला असून, एक कामगार जखमी झाला. जखमींना खोपोली नगरपरिषद रुग्णालयात दाखल करण्यात आले आहे.