रायगड :करणी सेनेचे महाराष्ट्र प्रमुख अजयसिंह सेंगर यांना मारहाण केल्याची धक्कादायक घटना घडली आहे. अजय सेंगर यांना पनवेल येथील अग्निशमन केंद्राजवळ जबरदस्त मारहाण करण्यात आली. अजयसिंग सेंगर यांनी संविधानाबद्दल अक्षेपार्ह भाषा वापरली असल्याचा आरोप भीम अनुयायांनी करत त्यांना मारहाण केली आहे. या घटनेने सध्या राजकीय वर्तुळात खळबळ उडाली आहे. भीम शक्ती संघटनेच्या आक्रमक कार्यकर्त्यांनी सेंगर यांना पनवेल शहरातील अग्निशमन दलाच्या कार्यालयाजवळ वेठीस धरल्याची घटना घडली होती. या प्रकरणी राष्ट्रवादीचे आमदार जितेंद्र आव्हाड यांनी भीमसैनिकांचे अभिनंदन केले आहे.
आंबेडकर यांच्या विरोधात आक्षेपार्ह टिप्पण्या :अजयसिंग सेंगर यांनी तेथून पळून जाण्याचा प्रयत्न केला. तेव्हा त्यांना भीम शक्ती संघटनेच्या कार्यकर्त्यांनी धक्काबुक्की करत मारहाण केली. परंतु भीम शक्ती संघटनेच्या कार्यकर्त्यांनी त्याचा पाठलाग केला, त्यांनी सेंगर यांच्यावर शिवीगाळ केली, त्यांना पुन्हा पकडले. कार्यकर्त्यांनी असा दावा केला की, किमान दोन वेळा सेंगर यांनी दलित प्रतीक डॉ. आंबेडकर यांच्या विरोधात आक्षेपार्ह टिप्पण्या केल्या होत्या. त्यांनी त्यांच्याविरुद्ध पोलिसात तक्रारही केली होती, तरीही कोणतीही कारवाई झाली नाही.