रायगड - ठाकरे सरकारच्या मंत्रीमंडळातील खातेवाटप आज झाले. मंत्रीमंडळ विस्तारानंतर सर्वांना खातेवाटपाची प्रतीक्षा होती. ती आता संपली आहे. यामध्ये राष्ट्रवादी काँग्रेसच्या युवा नेत्या अदिती सुनील तटकरे यांना राज्यमंत्री मंडळात संधी देण्यात आली आहे. त्यांच्याकडे उद्योग, पर्यटन, क्रीडा, खनिकर्म, फलोत्पादन तसेच माहिती व जनसंपर्क या महत्वपूर्ण खात्यांची जबाबदारी देण्यात आली आहे. अनेक चांगली खाती मिळाल्याने मी खुश असल्याची प्रतिक्रिया अदिती तटकरे यांनी दिली. तसेच शासनाच्या योजना शेवटच्या घटकापर्यंत पोहचवण्यासाठी प्रयत्न करणार असल्याचे त्यांनी सांगितले.
राज्यमंत्री अदिती सुनील तटकरे