रायगड - जिल्ह्यातील रसायनी पोलीस ठाण्याच्या हद्दीतील मौजे आपटा येथील गावाच्या मशिदीजवळ कत्तल करण्यासाठी ८ गोवंशीय जनावरे डांबून ठेवण्यात आली होती. रसायनी पोलीस ठाण्याला माहिती मिळताच त्यांनी केलेल्या कारवाईमुळे ६ गायी व २ वासरांना जीवदान मिळाले आहे.
पोलिसांच्या कामगिरीमुळे जनावरांची सुटका
मौजे आपटा येथील मशिदीजवळ गोवंशीय जातीची जनावरे सुफियान जलिल मुल्ला याने स्वत:च्या फायद्यासाठी कोठूनतरी चोरून आणून डांबून ठेवली होती. या जनावरांना त्याने कत्तलीसाठी आणले असून चारा पाण्याचीही सोय केली नव्हती. याबाबत रसायनी पोलीस ठाण्याच्या वरिष्ठ पोलीस निरीक्षक सुजाता तानवडे यांना मिळाली. त्यांनी तत्काळ कारवाई करून ६ गाय व २ वासरांना मुक्त केले.
हेही वाचा - पेण-आंबिवली अवैध माती उत्खनन प्रकरण, ईटीएस मोजणी होऊनही कारवाईस टाळाटाळ करत असल्याचा आरोप