पुणे - बारामती येथील शासकीय महिला ग्रामीण रुग्णालय हे महिला व बालकांसाठी 'संजीवनी' ठरत आहे. कोरोना काळातही मागील दीड वर्षांपासून शून्य ते पाच वर्षापर्यंतच्या बालकांना बीसीजी, ओपीव्ही, एचबीव्ही, पेंटा, रोटा आदी आवश्यक अशा तब्बल २५ हजार लसी बालकांना देण्यात आल्या आहेत.
बारामतीच्या महिला शासकीय ग्रामीण रुग्णालयात २५ हजार बालकांचे लसीकरण कोरोनाच्या महामारीतही गरोदर माता व बालकं नियमित लसीकरणापासून वंचित राहणार नाहीत, यासाठी महिला ग्रामीण रुग्णालयाने नियमित लसीकरण सुरू ठेवले आहे. विशेष बाब म्हणजे या रुग्णालयात बारामती शहर व तालुक्यासह इंदापूर, दौंड, पुरंदर, जेजुरी आदी भागातील गरोदर मातांची नैसर्गिक व सिजरियन अशा दहा हजारांहून अधिक यशस्वी प्रसूती केल्या आहेत. गोरगरिबांसाठी रुग्णालय ठरते वरदान कोरोना काळात भीतीपोटी काही खासगी रुग्णालये बंद होती. त्यामुळे लसीकरणही बंद होते. मात्र कोरोना संक्रमण काळात महिला शासकीय रुग्णालयामार्फत गरोदर माता व बालकांचे नियमित लसीकरण मोहीम अविरत सुरू आहे. येथील रुग्णालयात गरोदर मातांचे व बालकांच्या आवश्यक त्या सर्व लसी उपलब्ध असल्याने गोरगरीब कुटुंबातील लाभार्थ्यांना लाभ होत असल्याची माहिती परीसेविका स्वाती धुलगुडे यांनी दिली. धुलगुडे यांच्यासह प्रियंका नरूटे, स्वाती ठोसर, सियोना मसोजी, रेश्मा कुंभार, अश्विनी भोसले या अधिपरिचारिका या लसीकरणात भूमिका बजावत आहेत.रुग्णालयाचे होत आहे कौतुक
या रुग्णालयावर उपमुख्यमंत्री अजित पवार व खासदार सुप्रिया सुळे यांची देखरेख असते. बारामतीसह परिसरातील गरजूंची कोणत्याही प्रकारची गैरसोय होऊ नये, यासाठी ते प्रयत्नशील असतात. रुग्णालयाला आवश्यक असणारी सर्व साधन सामग्री तात्काळ पुरवतात. या रुग्णालयात चांगली सेवा दिली जात असल्यामुळे नागरिकांकडून रुग्णालयाचे कौतुक केले जात आहे.
कोरोना काळातील बालकांचे लसीकरण
( 0 ते 5 वयोगटातील बालक )
बीसीजी ५५३०
ओपीव्ही ५५९०
एचबीव्ही ६२४०
पेंटा २१२३
रोटा २१२३
आयपीव्ही १३५२
एमआर १०३०
डीपीटी ९९०
