पुणे - कोरोनाच्या पार्श्वभूमीवर अनेक पोलीस कर्मचारी आपलं कर्तव्य बजावत असताना कुटुंबाला स्वतः पासून दूर ठेवत आहेत. काहींनी तर पत्नी, मुलाला गावी पाठवले आहे. त्यात लॉकडाऊन असल्याने अनेकांना सकाळचा नाश्ता मिळत नाही. परंतु, एका पोलीस पत्नीने पुढाकार घेऊन सोसायटीमधील एकाची मदत घेत दररोज सकाळी चहा आणि नाश्ता तर सायंकाळी पुन्हा चहा पोलिसांना देण्याचं काम कविता नितीन नम या करत आहेत.
कविताचे पती नितीन हे हवेली पोलीस ठाण्यात कार्यरत असून त्यांना दररोज जेवणाचा डबा देतात. परंतु, तिथे गेल्यानंतर मात्र त्यांना चहा किंवा नाश्ता मिळत नसल्याचे त्यांनी पत्नीला सांगितले. त्यावरून पिंपरी-चिंचवड पोलिसांचेदेखील असे असेल ना, असा प्रश्न कविता यांनी उपस्थित केला आणि त्यांना सकाळचा चहा नाश्ता दिला तर असे नितीन यांना विचारले असता त्यांनी होकार दिला.
पिंपरी-चिंचवडमध्ये पोलीस पत्नीचा स्तुत्य उपक्रम; पोलिसांना देताहेत मोफत चहा-नाश्ता