मावळमधील कासारसाई धरण शंभर टक्के भरले; 1 हजार 200 क्यूसेकने पाण्याचा विसर्ग - पवना धरण
गेल्या काही दिवसांपासून मावळमध्ये पावसाचे पुनरागमन झाले असून जोरदार सरी बरसत आहेत. मावळमधील पवना धरण देखील 58 टक्के भरले असून गेल्या 24 तासांत 39 मिलिमीटर पावसाची नोंद झाली आहे. यामुळे मावळ परिसरातील भात उत्पादक शेतकरी सुखावला आहे.
पुणे- गेल्या काही दिवसांपासून मावळ तालुक्यात सुरू असलेल्या मुसळधार पावसामुळे कासारसाई धरण शंभर टक्के भरले आहे. धरणाच्या तिन्ही दरवाजातून सकाळी 1 हजार 200 क्यूसेकने पाण्याच्या विसर्ग करण्यात आला आहे. आतापर्यंत धरण क्षेत्रात 590 मिलिमीटर पावसाची नोंद झाली असून सध्या धरणात 17.15 दशलक्ष घनमीटर पाणीसाठा आहे.
गेल्या काही दिवसांपासून मावळमध्ये पावसाचे पुनरागमन झाले असून जोरदार सरी बरसत आहेत. मावळमधील पवना धरण देखील 58 टक्के भरले असून गेल्या 24 तासांत 39 मिलिमीटर पावसाची नोंद झाली आहे. यामुळे मावळ परिसरातील भात उत्पादक शेतकरी सुखावला आहे. अगोदर, पावसाने दडी मारल्याने शेतकऱ्यांवर दुबार पेरणीचे संकट उभे राहिले होते. मात्र, पावसाने पुनरागमन करत शेतकऱ्यांना सुखावले असून पाऊस चांगला कोसळत आहे. मावळ परिसरात जून पासून आजतागायत 951 मिलिमीटर पावसाची नोंद झाली आहे.