पुणे- एकीकडे एमआयएम आणि वंचित बहुजन आघाडीत बिघाडी झाली आहे. तर दुसरीकडे वंचित बहुजन आघाडीने 'वंचित वारकरी सन्मान यात्रा' सुरू केली आहे. संत तुकोबांच्या देहूतून निघालेली ही यात्रा सोलापूरच्या अरण येथील संत शिरोमणी सावता माळी मंदिरापर्यंत निघणार असून ही यात्रा पाच दिवस चालणार आहे.
यात्रेबाबत माहिती देताना राहुल ओव्हळ
पाच दिवसांच्या या यात्रेत हडपसर, भिगवण, पंढरपूर, मोहोळ आणि माढा येथील मंदिर, मदरसे आणि बुद्ध विहारात विसावा घेतला जाईल. या यात्रेमार्फत वंचित आघाडीकडून वारकरी विद्यापीठ आणि त्यांच्या प्रलंबित प्रश्नांकडे लक्ष वेधण्यात येईल. त्याचबरोबर याप्रकरणी वंचित आघाडी त्यांची भूमिका देखील मांडणार आहे. वंचित बहुजन आघाडीचे संस्थापक प्रकाश आंबेडकर यांच्या उपस्थितीत या यात्रेचा समारोप होईल.