पुणे - येथील चाकण बाजार समितीमधील एका आडत्याला व नारायणगाव येथील व्यापाऱ्याकडील कामगाराला कोरोनाची लागण झाल्याचे स्पष्ट झाले आहे. यामुळे, कोरोनाचा समूह संसर्ग रोखण्यासाठी चाकण बाजार समिती 30 जूनपर्यंत बंद ठेवण्याचा निर्णय व्यापारी, आडते व बाजार समितीने घेतला आहे. संपूर्ण बाजारसमिती परिसर फवारणी करुन निर्जंतुकीकरण करण्यात आले आहे.
चाकण बाजार समितीमध्ये एका आडत्याला कोरोनाची लागण
चाकण बाजार समितीमध्ये खेड, शिरुर, आंबेगाव, जुन्नर तालुक्यातून भाजीपाला तरकारी मालाची मोठ्या प्रमाणात आवक असते. त्यामुळे बाजारसमितीमध्ये शेतकरी छोटे- मोठे व्यापारी यांचाही मोठ्या संख्येने सहभाग असतो. त्यामुळे बाजार समितीतील एका आडत्याला कोरोनाची लागण झाल्याने बाजार समिती बंद ठेवण्याचा निर्णय घेण्यात आला आहे.