दौंड - तालुक्यात दोन दुचांकीच्या धडकेची घटना घडली आहे. एसआरपीएफच्या ग्रुप नंबर ५ च्या मोटार विभागाच्या समोर एका दुचाकीने दुसऱ्या दुचाकीस धडक दिली. या अपघातात एक जण गंभीर जखमी झाला आहे. तसेच दोन्ही दुचाकींचे अपघातात मोठे नुकसान झाले आहे. याबाबत दौंड पोलीस स्टेशन येथे गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपीने त्याच्या ताब्यातील मोटारसायकल (एम एच १६ सिटी ५५१) भरधाव वेगात चालवून, वाहतुकीच्या नियमांकडे दुर्लक्ष करून समोरून येणाऱ्या मोटारसायकल नंबर (एम एच ४३ एपी ६३८८) समोरून धडक दिली.