एनडीएच्या 140 व्या तुकडीचा दीक्षांत समारंभ संपन्न, आज संचलन
एनडीएच्या 140 व्या तुकडीचा दीक्षांत समारंभ संपन्न झाला. आज संचलनाचा सोहळा पुण्यातील एनडीएच्या खेत्रपाल मैदानावर होणार आहे. दरम्यान, जवाहरलाल नेहरू विद्यापीठातून 215 जणांना पदवी प्रदान करण्यात आली. यात 18 मित्र देशातील विद्यार्थ्यांचा समावेश आहे.
केरळमध्ये मान्सूनपूर्वी परिस्थिती बनायला सुरूवात, दोन दिवसात मान्सून दाखल होणार
मान्सून गुरुवारी बंगालच्या उपसागराच्या दक्षिण पूर्वेकडील भागात पोहोचला असल्याचे समोर आले होते. सद्यस्थितीत मान्सून मालदीव आणि कोमोरिन भागात सक्रिय होणार असल्याचा अंदाज वर्तवण्यात आला आहे. मान्सूनची हिच गती कायम राहिल्यास केरळात आज, उद्या किंवा सोमवारपर्यंत दाखल होईल, असा अंदाज भारतीय हवामान विभागाने वर्तवला आहे.
पुण्यातील विकेंड लॉकडाऊन रद्द; आरोग्यमंत्री राजेश टोपेंची घोषणा
कोरोनाच्या पार्श्वभूमीवर पुण्यात मागील काही दिवसांपासून निर्बंध लागू करण्यात आले आहेत. शिवाय शनिवार आणि रविवार असा विकेंड कडक लॉकडाऊन देखील लागू करण्यात आला होता. मात्र, आता हा विकेंड लॉकडाऊन रद्द करण्यात आल्याची घोषणा आरोग्यमंत्री राजेश टोपे यांनी केली. राजेश टोपे यांनी पुण्यातील विधान भवन येथे कोरोना आढावा बैठकीला हजेरी लावली होती. या बैठकीनंतर पत्रकारांशी बोलताना त्यांनी ही माहिती दिली.
सौरव गांगुली मुंबईत, आज महत्त्वाची बैठक
बीसीसीआयची एक विशेष बैठक (एसजीएम) होणार आहे. या बैठकीसाठी बीसीसीआय अध्यक्ष सौरव गांगुली काल मुंबईत दाखल झाला आहे. दरम्यान, आयपीएल 2021 मधील उर्वरित सामने, यंदाची टी-20 वर्ल्डकप आणि देशांतर्गत क्रिकेट स्पर्धा या सर्व गोष्टींवर या बैठकीत चर्चा होण्याची शक्यता आहे.
महाराष्ट्रातील लॉकडाऊनचे नवे नियम जाहीर होणार
महाराष्ट्रात लॉकडाऊनचे निर्बंध सरसकट उठवले जाणार नाहीत. पण काही ठिकाणी निर्बंधांमध्ये शिथिलता आणली जाईल. त्यामुळे राज्यातील लॉकडाऊन हटवणे शक्य नाही, असे आरोग्यमंत्री राजेश टोपे यांनी म्हटले आहे. त्या पार्श्वभूमीवर आज किंवा उद्या नवी नियमावली जारी होईल, असे त्यांनी सांगितले आहे.