वरंधा घाटात अपघातात लहान मुलीसह तिघेजण जखमी; ट्रकसह पीकअप कोसळली दरीत

भोर तालुक्यात पीकअप आणि जीपची धडक झाल्याची घटना घडली आहे. यामध्ये पिकअप चालक आणि त्याची 6 वर्षांची मुलगी, यासह ट्रकचालक तिघे जखमी झाले आहे. अपघातानंतर दोन्ही वाहने दरीत कोसळली होती. त्यानंतर नागरिकांनी बचाव कार्य राबवून या तिघांना सुखरूप बाहेर काढत उपचारासाठी जखमींना महाडच्या शासकीय रुग्णालयात दाखल केले.

पुणे- भोर-महाड मार्गावरील वरंधा घाटातील महाडच्या बाजूला वरंध गावाजवळील नागमोड्या वळणावर ट्रकने पीकअपला धडक दिल्याची घटना घडली आहे. या अपघातामुळे 6 वर्षाच्या लहान मुलीसह तिघेजण गंभीर जखमी झाले आहेत. अपघातानंतर दोन्ही वाहने दरीत कोसळल्याचा धक्कादायक प्रकार आज सकाळछ्या सुमारास घडला आहे.

ट्रकसह पीकअप कोसळली दरीत

एक पीकअक जीप महाडवरून भोरला येत होती. त्यावेळी वरंध गावाजवळील नागमोडी वळणावर भोर बाजूकडून आलेला ट्रक (क्रमांक एम एच 12 एफ सी 8199) हा वंरधा घाटतून महाडच्या बाजूला घाट उतरत होता. ट्रकने समोरून जीपला धडक दिल्याने दोन्हीही वाहने खोल दरीत कोसळली. पीकअप जीपमधील चालक आणि त्याची 6 वर्षांची मुलगी व ट्रकचालक या तीघांनाही ग्रामस्थांनी दोन तासांच्या प्रयत्नानंतर बाहेर काढले. सर्व जखमींना महाडच्या शासकीय रुग्णालयात उपचारासाठी पाठविले आहे.

गंभीर जखमी झालेले तिघेही भोरचे

या अपघाताची माहिती मिळताच वरंध गावच्या ग्रामस्थांनी तातडीने घटनास्थळी धाव घेऊन अपघातग्रस्त वाहनांमध्ये अडकलेल्या तिघानागरिकांना वाचवण्यासाठी बचाव सुरू केले. तब्बल तासाच्या प्रयत्नानंतर त्या तिघांही जखमींना सुखरुप सुरक्षित स्थळी आणण्यात यश आले. हे तिघेही जखमी भोर गावचे रहिवासी आहेत. त्यांना तत्काळ उपचारासाठी महाडच्या शासकीय रुग्णालयात पाठविण्यात आले आहे.

ट्रकसह पीकअप कोसळली दरीत

हेही वाचा - चेन्नई येथून शिर्डीसाठी येणारे विमान उतरले थेट मुंबई विमानतळावर; वाचा, काय आहे कारण?

हेही वाचा - अमली पदार्थ सेवनाला राष्ट्रीय कृती योजना लावणार चाप