पुणे -केंद्रीय मंत्री नितीन गडकरी यांनी माझ्या विभागात एका रुपयाचाही भ्रष्टाचार होत नसल्याचा दावा केला आहे. नितीन गडकरी यांच्याकडे सध्या केंद्रातील रस्ते वाहतूक खाते आहे. 2014 पासून गडकरी हे खाते सांभाळत आहेत. शुक्रवारी पुण्यात वडगाव (नवले पूल) ते कात्रज रस्ता राष्ट्रीय महामार्गाच्या रुंदीकरणाच्या उद्घाटन कार्यक्रमात ते बोलत होते.
नितीन गडकरी म्हणाले... 'माझ्या विभागात एका रुपयाचा भ्रष्टाचार होत नाही'
पुणे-सातारा रस्त्याच्या कामात थोड्या अडचणी आहेत. येथील ठेकेदार सर्वात जास्त त्रास देणारे आहेत. मात्र, रस्त्याचं कामही लवकरच होईल, अशी ग्वाहीही त्यांनी यावेळी दिली. याच कार्यक्रमात त्यांनी माझ्या विभागात एक रुपयाचाही भ्रष्टाचार होत नसल्याचे सांगितले.
हेही वाचा -नव्याने निवडून आलेल्या आमदारांना वेतन अथवा सुविधा देऊ नयेत, राज्यपालांकडे मागणी