पुणे - बारामतीमधील सिध्दी विश्वंभर पवार हिला पंतप्रधान नरेंद्र मोदी यांच्यासोबत बसून चांद्रयान २ मोहिमेच्या लॅंडिंग क्षणाचा अनुभव घेता येणार आहे. सिध्दी विनोदकुमार गुजर बालविकास मंदिर शाळेची विद्यार्थीनी आहे.
हेही वाचा - Chandrayaan २ : 'चंद्र आहे साक्षीला'... इस्रो रचणार इतिहास!
'इस्रो'ने अवकाश कार्यक्रमासंदर्भात देशातील विद्यार्थ्यांमध्ये जागृती वाढवण्याच्या दृष्टीने ऑनलाइन प्रश्नमंजूषा आयोजित केली होती. यामध्ये पाच मिनिटांत वीस प्रश्नांची अचूक उत्तरे दिल्याने सिद्धी पवार हिला १०० पैकी १०० गुण मिळाले. या प्रश्‍नमंजूषेमध्ये महाराष्ट्रातून तिने प्रथम क्रमांक मिळवला. या यशाबद्दल संस्थेच्या विश्वस्त सुनेत्रा पवार यांच्यासह शाळेचे प्राचार्य, शिक्षक यांनी सिद्धीचे अभिनंदन केले आहे.
