पुणे- पिंपरी-चिंचवड परिसरातून अनेक परप्रांतीय मजुरांना त्यांच्या मूळ राज्याच्या सीमारेषेवर सोडले जात आहे. शुक्रवारी देखील अशाच पाचशे पेक्षा अधिक मजुरांना पुणे रेल्वे स्टेशन येथून रेल्वेने त्यांच्या मूळ राज्यात रवाना करण्यात आले. यावेळी परप्रांतीय मजुरांनी महाराष्ट्र पोलीस जिंदाबादचा जयघोष केला.
पिंपरी-चिंचवड शहरातून आणखी ५०० परप्रांतीय मजूर त्यांच्या मूळ राज्यात रवाना
पिंपरी-चिंचवड शहरातील भोसरी, भोसरी एमआयडीसी आणि तळेगाव पोलीस ठाण्याच्या हद्दीतील परप्रांतीय मजुरांना पुणे रेल्वे स्थानकातून त्यांच्या मूळ राज्यात रवाना करण्यात आले. त्याअगोदर त्यांना फळं वाटप करण्यात आली असून सॅनिटायझर देखील देण्यात आले आहे.