बारामती -पाच लाख रुपयांची मागणी करत वडिलांना मारहाण केल्याचा प्रकार सावळ येथे घडला आहे. वैभव विजय बालगुडे असे मारहाण केलेल्या मुलाचे नाव असून विजय भगवान बालगुडे असे मारहाण झालेल्या वडिलांचे नाव आहे.
बारामतीत पैसे न दिल्याने वडिलांना मारहाण
शेतात काम करीत असलेल्या वडिलांनी पैसे दिले नाही म्हणून वडिलांना मारहाण केल्याची घटना बारामती येथे घडली आहे.
पैसे दिले नाही म्हणून वडीलांना मारहाण; बारामतील घटना
विजय हे शेतात मका भरण्यासाठी गेले होते. मका पोत्यात भरत असताना वैभवने तेथे येत त्यांच्याकडे पाच लाख रुपयांची मागणी केली. आता पैसे नाहीत, असे उत्तर वडिलांनी दिल्यावर संतापलेल्या वैभवने हातातील लोखंडी रॉड विजय यांच्या डोक्यावर मारला. तसेच ते खाली पडल्यानंतर त्याने त्यांच्या हातावर, कंबरेवर तसेच पिंढरीवर दगड मारत दुखापत केली. तुम्ही मला पैसे दिले नाही, तर मी बघून घेईन, अशी धमकी देत तो घटनास्थळावरून निघून गेला. विजय यांच्या तक्रारीवरुन स्थानिक पोलीस ठाण्यात गुन्हा दाखल करण्यात आला आहे. पुढील तपास बारामती पोलीस करीत आहे.