पुणे - जगदगुरु संत तुकाराम महाराज आणि संत ज्ञानेश्वर महाराज यांच्या पालखीचे देहू आणि आळंदी येथून होणारे प्रस्थान आणि त्यानंतर त्या पालख्यांचे पुण्यातील आगमन आणि मुक्काम हा आनंदी सोहळा दरवर्षी पुणेकर अनुभवत असतात. मात्र यंदा कोरोनाच्या संकटामुळे पुणेकरांना हा आनंदी सोहळा अनुभवता नाही येणार. त्यामुळेच, पुण्यातील समर्थ युवा फाऊंडेशनच्या वतीने बालगंधर्व चाैकात तुकाराम गाथा आणि ज्ञानेश्वरीचे पूजन करुन पालखी सोहळा आणि संतांच्या कार्याला प्रतिकात्मक अभिवादन केले.
पुणेकर आणि पालखी सोहळा याचे अद्वैत असून, पुणेकर भाविक दरवर्षी या सोहळ्याची आतुरतेने वाट पाहत असतात. कोरोनाचा पुण्यातील वाढता प्रादुर्भाव लक्षात घेता यंदा पालखी सोहळा साध्या पद्धतीने साजरा करण्यात आला. या पालख्यांच्या पुण्यातील स्वागताची अनेक संस्थांची दीर्घकालीन परंपरा आहे.
पुण्यात आली प्रतिकात्मक पालखी; ज्ञानेश्वरी आणि तुकाराम गाथा ग्रंथाचे पूजन करून केले स्वागत..