पुणे - येथील पिंपरी-चिंचवडमध्ये घरफोडीचा प्रकार समोर आला आहे. ही घटना आज (शुक्रवारी) सकाळी उघडकीस आली. या घटनेत अज्ञात चोरट्यांनी एकूण २ लाख २४ हजारांचे दागिने लंपास केले आहेत.
रामचंद्र कृष्णाजी कागदलकर (वय ६९ रा. यमुनानगर पिंपरी-चिंचवड) यांचे घर नोव्हेंबर महिन्यात काही दिवस बंद होते. या दरम्यान अज्ञात चोरट्यांनी घराचे कुलूप तोडून घरात प्रवेश केला. बेडरुममधील लोखंडी कपाटाचे लॉकर तोडून कपाटातून २ लाख २४ हजार रुपये किमतीचे सोन्या-चांदीचे दागिने आणि रोकड असा ऐवज चोरांनी लंपास केला आहे. रामचंद्र गुरुवारी सकाळी अकराच्या सुमारास घरी आले असता हा प्रकार उघडकीस आला.