पुणे -जुन्नर तालुक्यातील १४ नंबर फाट्यावर असलेल्या अनंत ग्रामीण पतसंस्थेत (Robbery at Anant Gramin Patsanstha) आज दुपारी दीड वाजण्याच्या सुमारास 2 दरोडेखोरांनी सशस्त्र दरोडा टाकला (Junnar Robbery) आहे. यात दोन लाख 50 हजार रुपयांची रक्कम दरोडेखोरांनी लंपास केल्याची माहिती समोर आली आहे.
यावेळी बँकेत बँक व्यवस्थापक दशरथ भोर आणि महिला कर्मचारी हजर होते. या दरोड्यात बंदुकीची गोळी लागून व्यवस्थापकाचा मृत्यू झाला आहे. नारायणगाव पोलीस घटनास्थळी दाखल झाले असून, पुढील तपास सुरू आहे.
या दरम्यान दोन दरोडेखोर हातात बंदूक घेऊन धमकावत होते. यावेळी व्यवस्थापक दशरथ भोर यांनी विरोध केला असता त्यांच्यावर बंदुकीतून गोळी झाडण्यात आली. यामध्ये दशरथ भोर यांचा मृत्यू झाला आहे. नारायणगाव आणि आळेफाटा पोलीस घटनास्थळी दाखल झाले असून, दरोडेखोरांचा शोध सुरू आहे. दरोडेखोरांनी बंदुकीचा धाक दाखवत दरोडा टाकल्याने परिसरात दहशतीचे वातावरण निर्माण झाले आहे.