Michael Vaughan Reaction On Purandar's Umpire : पुरंदरच्या क्रिकेट अंपायरची इंग्लंडचा माजी कर्णधार मायकल वॉननेही घेतली दखल

क्रिकेटमध्ये काहीही होऊ शकतं असं म्हटलं जात. हे वाक्य खेळाडूंसह आता क्रिकेटच्या पंचांनाही (Cricket umpires) लागू होत आहे. पुरंदरच्या अशाच एका पंचाची (Purander's Cricket Umpire) करामत पाहून त्याला थेट आयसीसीच्या पंच पॅनलमध्ये (ICC Umpire Panel) सहभागी करावं अशी खुमासदार प्रतिक्रिया थेट इंग्लंडच्या माजी कर्णधाराने दिली आहे.

पुणे -न्यूझीलंडचे प्रसिद्ध क्रिकेट पंच बिली बाऊडेन (New Zealand's famous cricket umpire Billy Bowden) यांचे सामन्यातील इशारे जागतिक क्रिकेटमध्ये (World Cricket) चांगलेच प्रसिद्ध आहेत. सभ्य गृहस्थांच्या खेळात पंचांच्या पारंपरिक इशाऱ्यांना मागे टाकत बाऊडेन यांनी आपली एक खास शैली प्रसिद्ध केली. त्याच बाऊडेन यांचा भारतीय अवतार पुरंदरमध्ये (Purandar) एका स्थानिक स्पर्धेतील सामन्यातच पाहायला मिळाला. गोलंदाजानी टाकलेल्या वाइड चेंडूवर कॉल देताना या पंचाने चक्क शीर्षासन करत, दोन्ही पाय बाजूला घेत वाइडचा इशारा केला. या पंचामुळे टेनिस चेंडूवर खेळली जात असलेली ही स्पर्धाही चांगलीच लोकप्रिय होत आहे.

इंग्लंडचे माजी कर्णधार मायकेल वॉन यांची खुमासदार प्रतिक्रिया

डी एन रॉय (Umpire D. N. Roy) असे या पंचाचे नाव आहे. या पंचाने केलेली कृती जगभरात पोहोचली असून, सोशल मीडियाची ताकद मोठी असल्याचे पुन्हा एकदा सिद्ध झाले. केवळ सर्वसामान्य व्यक्‍तीच नव्हे तर, इंग्लंड संघाचा माजी कर्णधार मायकेल वॉन (Former England captain Michael Vaughan Tweet) यानेही याची दखल घेत खुमासदार प्रतिक्रिया दिली आहे. या पंचाला आयसीसीच्या (ICC) पंच पॅनेलमध्ये सहभागी करावे, असे गमतीदार ट्विट ही वॉनने केले आहे.खरंतर क्रिकेटमध्ये गोलंदाजाने चेंडू वाइड टाकला तर, गोलंदाजाच्या बाजूकडील पंच दोन्ही हात पसरवत इशारा देतो. मात्र, या सामन्यात पंचाने आपल्या पायांचा वापर केला. कॉपीबुक क्रिकेटमध्ये हे मान्य केले जात नसले तरी स्थानिक स्पर्धेत या पंचाने प्रचंड लोकप्रियता मिळवली हे मात्र खरं.