पुणे -समाजवादी पक्षाचे नेते अबू आझमी यांचे डोके ठिकाणावर आहे का? असा सवाल करत भूमाता ब्रिगेडच्या तृप्ती देसांईंनी आझमींवर टीका केली. तसेच आझमी यांना जर महाराष्ट्रात राहायचे असेल तर त्यांनी महिलांचा सन्मान केलाच पाहिजे, असेही त्या म्हणाल्या.
भूमाता ब्रिगेडच्या तृप्ती देसाई याबाबत बोलताना.
काय म्हणाले होते अबू आझमी?
राज्यात सध्या गाजत असलेल्या पूजा चव्हाण आत्महत्या प्रकरणाचा संदर्भ घेऊन समाजवादी पक्षाचे आमदार अबू आझमी यांनी महिलांच्या संदर्भामध्ये वक्तव्य केले होते. 'लिव्ह इन रिलेशनशिपमध्ये राहायचे आणि नंतर बलात्कार झाला म्हणून केस करायची, अशा प्रकारच्या घटना वाढत असल्याचे ते म्हणाले होते. मात्र, त्यांच्या या वक्तव्याला महिला कार्यकर्त्या तृप्ती देसाईंनी आक्षेप घेतला आहे.